天堂鳥向吳業坤挑「肌」！

男子組合BOP天堂鳥昨日舉行新歌發布會，獲同門女子組合BINGO到場打氣。天堂鳥三位成員Gordon、Lincoln及Tyrese透露新歌是關於失戀的治療方法，笑言三人持續失戀，又表示很快會推出下一首新歌：「唔係講愛情，會係勵志歌。」
BINGO晒腿捧場，仲有一輪勁歌熱舞。
BINGO晒腿捧場，仲有一輪勁歌熱舞。

提到11月舉行的個唱，他們坦言心情緊張，亦擔心門票銷售情況，Gordon稱屆時定必騷肌：「吳業坤都騷肌，我哋冇理由唔騷，一定會騷得多過佢！公司話有個挑戰畀我哋，如果做得好睇，開到Part 2就好喇！所以今次台上乜都會攞晒出嚟，博一鋪！」他們又透露本來計劃邀草蜢擔任個唱嘉賓，可惜撞期開騷，未能成事。

天堂鳥裝假狗「晒肌」冧Fans。
  • 天堂鳥裝假狗「晒肌」冧Fans。