愛犬追女索 崔建邦冇面

崔建邦、姚子羚、陳庭欣及鄧卓殷昨日以主持身份，出席無綫節目《我的寵物》記者會，數位寵物訓練師亦偕愛犬即場表演。Amigo帶同愛犬齊齊亮相，未知狗狗是否見人多興奮，甫出場已不受控四圍走，即使繫上狗繩也無甚作用，一時在幾位女藝人身旁不停聞，一時又想走出室外，Amigo拍照時不停向狗狗大叫Sit，但牠懶理主人，更索性以屁股面對人群，場面惹笑。

對於愛犬全程不受控，Amigo自嘲冇晒面：「平時我都有訓練佢，但今日佢成個癲佬咁，見到啲姐姐就撲埋去聞，可能今日咁多人，佢好奇。」

未儲夠錢結婚

此外，有指他將於年底與拍拖一年半的圈外女友Jessica結婚，Amigo否認：「唔係，如果係我會同大家講，結婚都要啱對象同啱時間，咁佢係幾好，唔錯，但男人講出嚟就唔浪漫，依家算盤未如意，尚欠東風，即係錢，努力緊。」

狗狗失控亂竄，Amigo都冇晒符！	Amigo的愛犬鎖定目標，準備行前索陳庭欣和鄧卓殷。	轉目標走近子羚，Amigo拉都拉唔住！

姚子羚瘦到改戲服

至於瘦了一圈的子羚養有一隻6歲唐狗，非常精乖，平日會等她回家。問到早前感情不如意，是否靠狗狗陪伴？她說：「佢任何時間都陪住我。（收拾心情未？）專心工作，拍完《唐人街》想放假，因為拍打戲瘀傷未散，依家瘦咗5磅，到後期戲服都要改細。」但她指消瘦與情傷無關，同時對開新節目感開心，透露8月才再拍新劇。

而陳庭欣帶同早前一度走失的鸚鵡「Shabushabu」亮相，她表示家中有六隻鸚鵡，其中一對鸚鵡感情要好，不排除很快就「家有囍事」。