周國賢增肥打拳預捱揼

歌手周國賢前晚假中環海濱長廊舉行音樂會，因天氣悶熱，他除外套露出健碩肌肉，他說：「最近為電影演拳手要練泰拳，重咗超過20磅，仲有一半要增，即係重多20磅！第一個最man嘅決定係小學時夾band，第二個最man嘅決定就係今次。」希望洗脫官仔骨骨的書生形象。

他坦言現時要不停食嘢，發覺自己頗難增肥：「有啲人難肥啲，我會肥，但只肥喺下巴同肚腩。」問到打拳可覺辛苦？他笑言導演是樂隊ToNick成員趙善恆，相信正式與高手過招時必定捱打，但覺得可從中學習不少新事物。