翠如唔想嘥精力 大埔度蜜月
藝人黃翠如與伍樂怡昨日到將軍澳出席活動，剛與蕭正楠（Edwin）在峇里補辦婚禮返港的翠如透露，籌備婚禮只花一個月時間：「喺峇里留咗5日，加埋我同Edwin得15個人參加。地點係我揀嘅，只想畀長輩一個難忘、開心嘅回憶。（有咩難忘事？）爸爸拖住我入去，同Edwin講佢照顧個女唔係咁足夠，希望Edwin照顧得好啲。我咁大個女第一次見爸爸喊，佢平日唔多講嘢，所以我都眼濕濕。（Edwin有咩回應？）佢係第一個喊。」
她又爆老公結婚後更聽話：「好似佢公幹返屋企，會主動幫我洗車，平時又會幫我吹頭。」問到返港後會否補擺喜酒？她說：「唔會喇，因為覺得朋友要嚟婚宴好浪費精力，亦唔想記者朋友咁辛苦。（蜜月旅行？ ）老公話蜜月喺大埔（屋企）搞呀！我冇乜所謂，反正我哋每逢放假都去旅行。」
