蔡宛珊勸勉堅強：最緊要錫自己！

早前姚子羚與前夜店高層Raymond爆出戀情，子羚一度蒙上「小四」之名，事件餘波未了，日前有疑似其性愛片段在網上流出，認真禍不單行。不過，子羚已否認是片段中人，前晚更在網上抒發感受：「放下藝人的身份，我亦只是個普通人。我沉默；並不代表我畏懼。我不逐一解釋；亦不代表是事實的全部。世事豈能盡如人意；但求無愧於心。」

至於Sarika早前在網上寫千字文回應，強調沒有向Raymond索贍養費，樹立獨立女性形象。昨日她接受訪問，表示會以正面心態面對情傷，很開心這段時間得到支持。口才了得的她有意開Live分享獨立女性心態。對於子羚的遭遇，她作出鼓勵及祝福，並勉勵女性要自強：「可能件事本身係唔好，但其實好多嘢係視乎自己點睇，例如我喺上一段婚姻學到好多嘢，好似要好好管理情緒，凡事正面咁睇，有時外界會框架住女性幾多歲應該做啲乜，但我勉勵天下女性最緊要愛錫自己，啱嘅時候自然會遇上啱嘅人。」

不排除再婚

雖然Sarika表示婚變沒有影響對戀愛的憧憬，但離婚多時也沒有再拍拖，即使偶有追求者，但亦沒有下文：「試過一次唔係咁成功，都會睇定啲先，我相信係緣分未到，唔排除再婚，但唔會Set幾時。（擇偶條件有冇變？）最緊要溝通到、錫屋企人、鍾意運動。（要專一唔可以花弗？）當然想，但安全感唔係單方面，我唔會管制對方，多唔多女性朋友唔係重點，最緊要有交帶。」她表示目前會更努力工作，將會拍ViuTV劇集：「係恐怖故事，戲份唔少，不過係事件之前接落嘅。」