黃翊黃寶欣「復合」撻唔着

兩年前回歸樂壇的黃翊，前日與舊愛黃寶欣首度推出合唱歌《A Second Chance》，他昨日受訪時表示，與寶欣廿多年前開始孖住到內地商演，加上曾是戀人，故默契十足，可謂「最合拍夥伴」，他說：「我同寶欣之間只要一個眼神、手指郁動，甚至撥吓頭髮，都會知對方諗緊乜。今次呢首合唱歌，我哋一埋位已相當到位，MV導演想拍愛火重燃嘅感覺，當然現實係冇發生啦！」他更分享與寶欣之間的趣事，指不少Fans一遇見他，就會說很喜歡他和寶欣合唱的《酒杯敲鋼琴》，他笑說：「其實首歌係寶欣同鄭敬基合唱嘅，我聽到覺得好好笑，以為我係鄭敬基！」