李泳豪為爸爸發聲絕冇欠債！
日前《蘋果》網站報道藝人李家鼎位於中環的食肆遭十多名黑衣人搗亂及追債，事後他發聲明指報道失實，餐廳並無欠債，並已發律師信給《蘋果》。昨日是李家鼎兒子李泳豪的39歲生日，泳豪在社交網上載了與父母的合照，並留言：「有父母陪伴度過生日是最開心和幸福的事，感恩！」
泳豪昨晚為劇集開工，稱事件已交由律師處理，問到有否因報道而影響李家鼎餐廳客量？他說：「冇影響，今日都爆晒。（爸爸情緒OK？）佢OK，見慣風浪，不過我擔心影響佢嘅聲譽啫，所以公司發咗聲明，因為件事唔止影響爸爸，仲影響公司。（增派人手喺餐廳以防有人搗亂？）都要開會研究安全問題，如果再遇到同類情況要點處理，暫時唔需要加派人手。（爸爸有冇唔開心﹖）唔開心一定有，佢唔希望大家再有任何誤會，爸爸同公司拍檔全部都冇欠債。」
