歐陽震華情挑「群姐」妓院玩爆漿
在處境劇《愛．回家之開心速遞》中演清潔女工群姐的許思敏，無論戲裏戲外都是歐陽震華（Bobby）的超級粉絲。Bobby昨晚終於一圓群姐夢想，友情客串演一對兼投懷送抱，群姐笑言開心到忘記對白。
歐陽震華、許思敏、劉丹、呂慧儀等，昨晚為《愛．回家之開心速遞》拍外景，劇中加入穿越情節，眾人以古裝上陣。Bobby自爆當中會有少少動作及血漿場面，相當激烈：「我同群姐係一Pair，我做祝枝山，佢做名妓，今晚會拍妓院戲份，佢會跌落我懷中，所以群姐會吊威吔。」群姐即補充說自己賣藝不賣身。
心花怒放興奮忘詞
Bobby續指群姐不止在劇中是其超級粉絲，真人亦然：「佢成日拎住我個紙板公仔出嚟，我都拍過條片送畀佢。」群姐坦言收到的時候開心到睡不着，問到今次見到Bobby是否心花怒放﹖她笑言：「係，我簡直唔記得對白，唔識得講。」
Bobby稱一直希望可以與群姐做對手戲，又指難得《愛．回家》的編劇如此賞面，在劇中不時提起其名字：「今次當圓咗群姐一個夢，之前成日都畀粉絲、網民問我哋幾時合作，我自己同珍姐（曾勵珍）主動講，想返嚟客串兩集，佢以為我講笑。第二次返嚟聽下一套劇嘅古仔時，我再問珍姐，終於成事。」
孖萬綺雯拍警匪劇
Bobby稱上一部拍攝的處境劇已是1991年的《卡拉屋企》，而年底他亦會為無綫拍攝一套警匪新劇，飾演警察，與萬綺雯合作。