吳鎮宇首演音樂劇「唔識驚」
藝人吳鎮宇、王菀之（Ivana）和袁富華等昨日出席音樂劇發布會，首度參演音樂劇的鎮宇，自爆曾打算不再演舞台劇，惟終被Ivana誠意打動：「好似冇咩得着，想合作嘅人都唔再做，但菀之搵我時有同佢講我想做音樂劇，估唔到我隨口一句，佢就拍晒心口應承，仲一手包辦，令我大開眼界。」
講到音樂劇將進行13場公演，Ivana直言壓力甚大，鎮宇卻豪言「唔識驚」：「我係唔識驚嘅人，大家有冇睇《難兄難弟》呀？哈哈！到時有專人指導，只要唔好犯蠢就得。」他又指早前完成圍讀後已記得大部分台詞，即嚇窒Ivana，驚嘆：「咁快？我一頁紙都未記得！」