陳家樂追波搞到氣咳

多位「星級球員」昨日在灣仔修頓室內場館出戰「Panasonic學界籃球邀請賽2019」，當中包括：陳家樂、周志文、方泳琳、張致恒（Steven）代表「警察大使」隊；歌手鄧穎芝（Vangie）、龐景峰、王躍穎及林穎彤（Bella）為「籃總名人隊」；范振鋒及林盛斌（Bob）任嘉賓主持，經過一輪激戰，最終賽果由「籃總」以52分勝「警使」49分。

陳家樂這位靚仔「球星」一出場，即受到觀眾報以歡呼聲，氣勢如虹，不過相對球技較遜的他，不停在場來回喪跑追波，搞到氣咳，但防守出色，力抗身材比他高大的球員，可謂是全場最有體育精神的隊員。

睇見方泳琳狀態大勇，鄧穎芝都唔敢輕敵，全力入球。	鄧穎芝攞到獎盃，幾辛苦都抵番晒呀！	多位藝人出席籃球邀請賽。

方泳琳全場最高分

Vangie和有「籃球女神」之稱的演藝新人方泳琳的表現成為賽事亮點，Vangie一開始未在狀態，但見到敵隊的方泳琳連入幾球3分波後，她即刻急起直追，入了兩球3分波，之後更入了關鍵性的一球，令隊伍反超前勝出比賽！事後她表示很開心：「我覺得自己唔係打得太好，好似唔夠氣，好耐冇練波。」但提到她得了10分卻不及方泳琳時，她作狀傷心笑說：「我諗我今日攞唔到MVP，但今日關鍵嘅球都喺我手上，又幫隊波反超前，都好開心！」

張致恒落力作賽。	唔識打籃球的林穎彤，勇敢落場作戰。	有媽咪馬詩慧到場打氣，王躍穎充滿力量。

方泳琳於第三節連續射入五球3分波，助球隊一度拉開比數，可惜最後被反超前，並以3分落敗，她共得全場最高的17分，相當搶鏡！成為范振鋒娛樂公司旗下藝人的她，笑言因老闆范振鋒要求得到高分，故格外落力。講到最終球隊落敗，她表示不會覺得不開心，志在參與。對於對手Vangie表現，她大讚對方夠強壯，而且剷籃出色：「我哋平時係一隊波，所以都熟，佢一向都好犀利！」

馬詩慧	龐景峰有姿勢有實際。	周志文表現出色。

Steven蝦碌捧蛋

另外，雖然Bella不懂打籃球，但仍勇敢落場，被安排為「籃總」隊其中一分子，最後勝出，她笑說：「自己都過意唔去，經過呢個恥辱，會的起心肝學吓打波！」至於Steven和周志文均代表「警使」隊，現場所見Steven得零分，又有不少蝦碌，成為現場的開心果，而一向有操波的周志文共得9分，表現出色。