拍拖過試用期余思霆狂讚未來奶奶
藝人余思霆、莊思明及王子涵等昨日為慈善節目錄影，與新歡朱敏瀚打得火熱的思霆心情大靚，透露去年已與天堂鳥成員Tyrese分手，如今與朱敏瀚相識一年半，拍拖已過試用期，問到拍拖沒多久便外遊？她撒嬌說：「之前拍劇10個月冇假放，好難得有假期，佢又得閒，今次係第一次一齊旅行。（朱媽媽都有去喎！）係呀！Auntie好Nice，對我好好。（有冇催你哋快啲結婚？）冇，工作行先，我得25歲，去完旅行冇晒錢啦！（唔係男友出錢去旅行？）大家有Share。」
思霆直言二人感情穩定，問到當初朱敏瀚是否獲悉她回復單身才展開追求？她笑說：「我唔知佢有冇追我，因為佢成日同我講話冇追過我，我比較笨。（Tyrese有冇恭喜你？）有，久唔久都會互相問候。」
至於聲音沙啞的莊思明則表示有捧場睇男友楊明的新劇，但眼見他與高海寧有咀戲，內心不是味兒。