黃婉曼隨時生得闖「毒氣」工地嚇窒老公

預產期在本周、隨時生得的黃婉曼（Icy），臨盆在即仍然日日返工。日前她與老公馮柏基現身位於將軍澳的新Cafe，初時兩人站在門外眼望望，舖內有幾位工人正在忙着趕裝修，舖內空氣混濁，不時湧出一股濃烈的化學物料氣味，刺鼻難擋。

完全冇戴口罩的Icy ，不時用手狂撥走氣味，期間一度想行入舖內視察裝修進度，老公即被其舉動嚇一嚇，為免老婆吸到「毒氣」，即出手阻止，並拉她走到另一邊較通風位置休息。之後兩人索性借用舖頭旁的售樓處寫字枱，與公司職員暫作開會用，不過Icy老公亦未放心，全程傍實老婆，以免她再走入舖。

氣味難頂 舖內傳出刺鼻氣味，黃婉曼不時出手撥散。	擅闖禁區 新舖趕裝修沙塵滾滾，腹大便便的黃婉曼竟想入內巡視。	放大圖片

開張搞百日宴

事後，Icy受訪坦言：「原本裝修預四月尾、五月頭搞掂，喺我生之前做埋Opening，我仲諗到好完美可以喺度搞Baby Shower！（之後搞百日宴囉？）係啦！」本身住大埔的她，當初選在將軍澳開舖，是因為第一份工在無綫做，對將軍澳有情意結，現在亦有意搬往該區居住，方便睇舖。

出手拉走 黃婉曼老公終忍不住出手拉走她。

老公錫到燶，陪黃婉曼往產檢。

暫擱置再造人

本身育有一女的Icy今胎又佗女，曾經講過想生三個的她，表示計劃要暫停，全力做生意，問是否事業心重？她說：「又唔係，始終小朋友緊要。」不過她生大女時於九時入院分娩，但八時還在公司工作，而今胎卸貨在即，就連走佬袋也未執拾好，可見她事業心重。