遺憾冇女？袁詠儀：依家好滿足
藝人袁詠儀（靚靚）昨日在澳門擔任手袋店的開幕嘉賓，為價值1,600萬的鑽飾迷你版包包揭幕，一向是「包包控」的她都不敢拿起它：「都係唔拎喇，我怕拎咗唔捨得放低。」她承認家中部分款式的手袋只作收藏，問是否有投資作用？她笑言：「唔希望有一日要賣咗佢哋，但就有諗過用嚟拍賣行善。我又生唔到個女，唔可以留畀佢，或者留畀將來新抱，但到時佢又未必鍾意。」
另外，她與老公張智霖（Chilam）早前於內地真人騷節目表示遺憾未有女兒，當時老公更講笑話找他人代生？靚靚說：「梗係唔得啦，亦唔需要行呢一步，其實依家已經好滿足，或者係上天要我哋好好照顧個仔同家庭呢！」
提到她在微博騷比堅尼照，身形Fit爆，反而Chilam被網民指有腩肉，她笑說：「我唔講啦，一陣佢又話我激佢，又話口賤，上次我同佢喺台灣行書店畀人話佢肥，佢心情幾Down呀！我唔敢出聲啦！」