霍啟剛湊B熟手 讚細女性格淡定

名人霍啟剛昨日到葵芳出席慈善義賣活動，提到太太郭晶晶早前誕下小千金，現育有一子兩女，他透露小女兒一月初出生，太太已過了休養期，笑言並非刻意隱瞞：「冇人問就唔公布住，希望大家諒解。（再生多個，湊夠兩個好字？）唔好講呢啲，冇諗過。（今次係意外？）由第一個開始，都係順其自然。（小千金性格點？）幾定，而且今次係第三個，我同太太都熟手咗，冇咁慌亂。小朋友好早戒夜奶，幾個都算易湊。」談到母親朱玲玲指兩個孫女都似晶晶，他說：「係呀！佢嘅Genes（基因）幾強，幾個都似佢，開頭我仲話我屋企多數男仔，同佢講定多數要湊仔，估唔到生咗個女，都好吖，女嗲爸爸多啲。」