袁偉豪生日傷喜臨門睇脊醫

袁偉豪同張寶兒經常晒恩愛，真係閃到人眼都盲。

劇集《鐵探》前晚大結局，演員袁偉豪（Ben）、張寶兒、惠英紅、梁競徽（唯唯）、黃智賢及許紹雄等相約食飯兼睇結局。由於昨日是Ben的38歲生日，眾人特別送上蛋糕為他提早慶生，更起哄叫Ben與寶兒結婚，他即時叫大家冷靜。

攞視帝受之有愧

Ben自爆頸部不適，導致頭痛及牙痛，故生日當天要看脊醫，之後才與女友及朋友食飯慶祝，生日願望是身體健康及工作有新嘗試。問到何時結婚？他笑言：「袋住先！大家多多包涵，我哋有自己嘅步伐。」對於網民力撐惠英紅攞視后，Ben指對方實至名歸：「難得佢返嚟拍劇，呢部係佢巔峰之作。（你攞視帝？）我受之有愧，喺我個角度冇完美，只求做得好過上一部。」而寶兒表示要做司機送Ben回家，故全晚滴酒不沾。對於Ben表示人生大事「袋住先」，她認同：「袋住先！我哋未去到呢個階段，好享受拍拖。」

袁偉豪切蛋糕時被催婚，怕醜的寶兒即躲在男友身後。	惠英紅喜歡演奸角，可盡情發揮演技。	唯唯演技備受讚賞，洗脫「負評王」之名。

惠英紅好人難做

至於惠英紅表示：「好多人話我做得乞人憎，但又好鍾意，好耐冇呢啲咁乞人憎嘅角色。（網民撐你做視后。）我冇得話事，有會好開心，我會盛裝出席。」她希望原班人馬開拍新劇，想繼續演奸角：「好人唔易做，衰人易啲，比較搶鏡。」又透露監製有邀她再拍劇，但要視乎劇本而決定。而唯唯自爆日前接到《東張西望》電話，嚇得他以為有大事發生，原來是外界對其演出有大回響而訪問他。