歌手鄧小巧昨日到赤柱出席音樂分享會表示早前到芬蘭，留在錄音室「困獸鬥」寫歌，不少音樂人都想與她在港嘗試這個方式：「睇吓喺香港呢個咁多誘惑嘅城市，可唔可以都咁樣寫到歌。其實有個監製嘅屋企有個細Studio，我哋平時會去玩，但好少一齊寫歌，睇吓今次會點樣發生。（困獸鬥幾日？）一個單位一日，暫時約咗兩日。」又笑言最緊要不能飲醉酒：「飲醉就會寫唔到歌！其實好多音樂人都會飲少少酒做創作嘅。（你飲醉酒會點？）有時會瞓覺或者喊，又冇乜瘋狂嘅行為。」
