黎燕珊打牌輸身家
藝人黎燕珊昨日帶同82歲母親出席創世電視母親節活動，楊玉梅亦與母親出席，文雪兒則聯同兩個寶貝女Christy及Jennifer亮相。
黎燕珊透露當年成為單親媽媽後，母親經常協助照顧一對子女：「單親媽咪要搵錢，最快梗係做保險，記得第一次賺到5,000蚊佣金，但同屋企人、媽咪打場麻雀就輸咗4,900蚊！」談到母親節將至，她表示女兒特別請假跟她及婆婆三代同堂食飯慶祝，兒子則身在英國準備考試，未有要求他返港。談到因黃心穎事件而重拍《法證先鋒IV》，黎燕珊稱：「係要重拍，盡量度啦，我同心穎對手唔多，呢啲嘢，人算不如天算！」