囝囝「一夜長大」伴奏林子祥淚灑紅館

阿Lam一連五場的紅館騷《LAMUSICAL2019演唱會》前晚正式開鑼，太太「沙麗」葉蒨文穩站控制台陪老公演出，捧場嘉賓有李克勤夫婦、陳慧嫻、蔡一傑、霍啟剛與太太郭晶晶等，晶晶更是誕下第三胎後首度公開亮相，見她已收身成功。

個唱最感人之處是阿Lam與34歲囝囝林德信（Alex）同場演出，當與12位小朋友唱《三人行》時，台上走剩的3位小孩突然「變身」，換上孭住結他的Alex、小肥及胡琳繼續唱，Alex在父親面前大騷指功彈結他。阿Lam再請小朋友上台並感動說：「今晚有好多演員都係第一次喺紅館表演，係天賜畀我哋，我未見過一班咁Professional嘅Non-professional，病咗都做！」說畢不禁哽咽。

阿Lam感動淚灑當場。	林德信在身後伴奏，阿Lam唱得特別肉緊！	小肥迎娶胡琳……劇情嚟啫。

另一「洋葱位」是Alex為父親彈琴伴奏《幾段情歌》，尾聲時眾人再「安歌」《三人行》，獨留在台上的阿Lam背着觀眾抹淚，並感觸說：「我都話佢哋好勁(O架)啦！成晚都講愛、愛、愛，你知我Old School啦！睇我用咩電話就知，但我嘅Old School係好正、好經典，就等我畀你哋睇吓我細個睇嘅愛係乜嘢啦！」

胡琳載歌載舞，表現100分！

李克勤與太太盧淑儀撐好友。

靠手語維繫婚姻？

大晒父子溫馨外，個唱創作總監鄭丹瑞（阿旦）在台上與阿Lam分享婚姻趣事，阿Lam坦言很難維繫一段長時間的婚姻，但總有例外，正如其英國老師結婚50年，全靠語言不通：「老師話佢一直講英文、老婆講日文，溝通淨係用手語就得。」阿旦則說：「早講嘛！咁我都娶個日本老婆啦！」阿Lam即搞笑說：「你冇咩？」全場爆笑。