風靡全球的漫威晒冷作《復仇者聯盟4：終局之戰》（Avengers：Endgame）昨日香港票房衝破1.55億港元，氣勢逼人！電影更成為網民P圖目標，二次創作「召集」謝安琪、陶大宇、徐錦江等打造「港版復仇者聯盟」！
《復4》的香港票房勢如破竹，現已成為香港電影史上最高票房第2位，有望撼贏《阿凡達》（Avatar）早年創下的1.83億港元最高票房紀錄，封本港最賣座電影！另外，《復4》於內地上映10日已大收超過42億港元，躍升內地影史最高票房第3位，電影全球累積票房亦高達140億港元，成為全球影史最高票房電影第5位。
《復4》令網民花生食不停，最爆笑是近日有網民「大召喚」玩P圖，把多位藝人如謝安琪、惠英紅、陶大宇、徐榮、黎諾懿、湯鎮業等組成「港版復仇者聯盟」。當中歌手郭偉亮和杜麗莎的神級位置不變，依然是港版鐵甲奇俠及Marvel隊長外，惠英紅變「古一」、吳岱融是「奇異博士」，而變身「雷神」的徐錦江更獲網民一致拍手叫好：「根本徐錦江就係雷神，一樣樣！」
至於近日獲網民大讚與鄭少秋在ViuTV劇集《詭探前傳》中鬥戲鬥出火花的陶大宇，原來也「上陣」成為「鷹眼」，由於其招牌掩面動作深入民心，網民搞笑地問：「掩住面都可以射箭？」昨日大宇回覆本報時笑說：「我都覺得『鷹眼』有啲似我，哈！喺戲中佢箭不虛發，咁好眼力，當然似我啦！人人都知我最鍾意掩面，習慣咗，真係唔使用對眼睇，都知邊個係人係鬼！所以我掩住眼都可以射中箭！」
而被「召喚」成為「蜘蛛俠」的黎諾懿大表高興：「我都係超英迷，好開心成為一分子，如果套戲開港版，都可以諗起我。」被P圖變成「紅女巫」的謝安琪說：「好有創意，但睇落唔係好似我。」至於化身「嘉魔娜」的滕麗名笑說：「可能大家睇得熊尚善（《愛．回家》角色）多，覺得我係世界上最恐怖嘅女人，張相幾好笑！」