演員鄧健泓與石詠莉前晚出席網劇《向西聞記》首播禮，談到被拍得睇BB車兼出入診所疑有喜，鄧健泓說：「依家BB車價錢幾百到幾萬蚊都有，好奇睇耐咗啫，其實我哋係揀小朋友禮物。嗰啲係正常檢查啦，如果有開心事會同大家分享，我哋抱住隨遇而安態度，收到好多問候同祝福。」石詠莉說：「有好消息再話畀大家聽。」
同場李美琪表示會與趙永洪於《食女性地嘉亨灣》單元在後樓梯有激烈情慾戲：「呢場戲係自己拍戲以嚟最激嘅演出，我做主動，錫佢個身體、撫摸佢，自己少經驗，好緊張，拍嗰陣出晒汗，胳肋底都濕晒。」
