莊思敏生日籌款行善
昨日是藝人莊思敏的39歲生日，前晚她在其開設的酒吧舉行派對慶生，除了胞妹莊思明及莊思華外，還有吳若希、葉翠翠、王子涵、白雲、林盛斌、翟威廉等圈中藝人到賀，場面熱鬧。
莊思敏今年是仁濟之星，所以她一早呼籲朋友不要買禮物，改為捐錢到仁濟：「我定咗個籌款目標係萬八蚊，生日前已經達標，有萬九蚊，好開心。今年收到好多好有特色嘅生日蛋糕，思明訂做咗個好多錢嘅生日蛋糕，因為佢知我掛住搵錢，佢希望我可以搵多啲錢。（有咩生日願望？）身體健康，工作上有突破。」她指一班拍節目《姊妹淘》的好姊妹也有出席，似足《姊妹淘》Reunion。而昨日她與友人已起程往越南旅行。