意外中止運動員生涯 柳妍熙：音樂救咗我！

歌手柳妍熙回想過去擔任國家田徑隊運動員的日子，雖然過程艱辛，但令她學到不服輸的精神。日前她接受東網節目《娛場》訪問，談到昔日艱苦訓練，她表示試過跑足一個下午！一心望可在奧運場上代表國家出賽的她，因一次練習不慎受傷，整個筋腱嚴重撕裂，需中止運動員生涯，成為人生最黑暗的歲月，妍熙憶述時不禁落淚：「嗰時好難過，冇晒人生希望，隻腳腫到連鞋都着唔到，根本做唔到任何嘢，17歲就退役！」