陳潔儀愛同聲同氣嫌男人唔啱Key

Gin與AGA不約而同視陳潔儀為偶像。

李幸倪（Gin）、江海迦（AGA）和陳潔儀昨日宣布將首次同台演出，7月在會展舉行音樂會，Gin透露：「我哋三個將會合唱多首經典作品，炮製一個驚喜晚上。」Gin和AGA皆視Kit為偶像，Gin搞笑說望着對方時會不自禁出現「心心眼」：「我再細啲時，係聽佢嘅歌多。」AGA亦說：「好緊張，真係好鍾意佢，好鍾意佢把聲，未試過三個女仔夾，淨係試過同男仔或Band夾過。」

對於首次與新一代女歌手同台，Kit表示既期待又有信心：「我知個感覺，就好似我見到劉松仁時，我都係細細個睇佢做戲，依家合作舞台劇，仲一齊食飯添！」她續表示已有一段時間沒有在港做音樂會，笑說：「同女仔合作好正常，因為同男仔就個Key係好乞人憎嘅事，幾痛苦。（最乞人憎同邊個男歌手合作？）都乞人憎，好似同蘇永康唱《來夜方長》，我唱得特別高音，喺Studio有試過佢就我，又試過我就佢，最後我話：『都係我就你，因為你就我太難聽喇！』」問到是次音樂會上會否性感演出？Kit笑言要討論一下：「都得嘅，全部都幾得。」

AGA	首次與新一代女歌手合作開騷，令陳潔儀相當期待。

感激劉松仁氣功按摩

另外，早前剛完成舞台劇演出的Kit，聞劉松仁宣布舞台劇添食，即大表高興，對於劇中飾演老太婆一角，視為一大挑戰，她說：「最大挑戰係演技同體能，因為成日彎住腰非常辛苦，我成日喺台側做伸展動作，好痛，有場要跪足13分鐘，跪得太耐好痛，松哥知我痛症會幫我按摩。有Dancer邊度痛，佢都會按，因為佢識氣功。」她更指做舞台劇除了演戲，同時亦令她心靈好滿足。