麥明詩買馮盈盈怕分房瞓自保
前港姐拍檔組合麥明詩（Louisa）與馮盈盈將於5月中前往荷蘭拍攝旅遊節目，Louisa坦言驚盈盈屆時會失控，為求自保一早要求分房瞓：「驚佢全裸我又盲，佢講嘢大聲我又聾！」
無綫綜藝節目《娛樂大家》前晚進行錄影，嘉賓有周柏豪、連詩雅（Shiga）與菊梓喬。身為嘉賓主持的Louisa飛完又飛，從越南度假回港半個月後，孖馮盈盈飛荷蘭拍攝旅遊節目。不過，她擔心指最怕奔放的盈盈會失控，故答應參與拍攝前已要求分房瞓：「驚佢全裸我又盲，佢講嘢大聲我又聾，再加埋會令我精神有失常。（裸體驚有比較？）冇比較。」
越南(興)合合 被迫性感
講到越南的天倫之旅，Louisa表示遇上當地有史以來破紀錄的高溫：「超熱！起碼35、36度。（所以着得性感？）被迫！好彩帶咗啲香港平時少着嘅衫。」問到着得性感可有艷遇？她笑指沒有：「我都想試吓！但冇乜特別發生！大家都覺得我好隨便，其實我好揀擇，所以有成兩年冇拍拖。（點揀擇法？）下次同男友相處一陣之後，會帶去同屋企人相處。（之前嗰啲冇試過？）你哋識嗰個冇。」又指讓家人過目是別有用心：「當局者迷、旁觀者清，可以睇到佢兼唔兼顧到唔同人嘅需要，我驚靠自己睇會比較膚淺。（但如果屋企人叫分手呢？）會納入我考慮嘅因素。」
周柏豪轉數快驚失威
嘉賓之一的柏豪大呻好緊張，笑言私下在同事面前是飾演一個有智慧、轉數又快的人，擔心會失威：「有睇之前嗰幾集，我認為轉數快、好聰明嘅藝人，嚟參加節目估唔到反應變得好慢，就好似王梓軒，見佢玩Black Magic零分，但我相信唔會包尾，頂多尾二，因為有Shiga墊底，哈哈！」還透露接下來會飛內地一個星期，巡迴五個城市搞簽名會。
