朱晨麗掟彎炒車靠何廣沛打救

無綫花旦朱晨麗(朱朱)早前因拍攝劇集《法證先鋒IV》動作戲不慎扭傷手肘甩骹,加上積勞成疾導致頸椎嚴重移位,舊患未好,劇接劇的她都要繼續開工。近日她忙於拍攝民初劇《大醬園》,劇中飾演醬園女工的她,拍攝一場踩三輪車送貨戲,未料為第一個鏡頭練習踩車時即告「炒車」,幸得何廣沛及時英雄救美才避過一劫,不過已令她嚇餐死!

「部車老過我」

朱朱猶有餘悸地說:「我之前從未踩過三輪車,今次係第一次;第一日踩,就要踩斜路仲要大轉彎,正式埋位之前,導演陪我練習試戲,我一上車,何廣沛坐喺我後面,劇情需要佢拍一拍我背脊叫停車,嗰一刻,我就即刻撞咗,好彩佢反應好快即刻救我,嚇到大家都好驚。」因劇情需要,她所踩的三輪車好舊,「年紀」比她還大:「呢部三輪車已經好大年紀,老過我,好多嘢都爛晒,自己又冇踩過三輪車,所以好難控制。」

第一場戲練習已險生意外,她感謝導演有耐性地不停陪她練習:「經過導演嘅訓練,練咗好多次先能夠順利拍攝,不過過程真係好驚。」