李璨琛做老竇改變人生

藝人李璨琛日前接受電台節目主持梁泰來訪問，坦言剛滿一歲的愛女Lucy出世後改變了他的人生，自爆很遲才感受到做爸爸的感覺：「佢出世時，睇住佢都冇爸爸嘅感覺，直至抱住佢，睇到佢喊，我就諗『呢舊嘢原來係我個女！』嗰時先知道自己係爸爸。」他表示發生醉駕事件後，曾在家中反思如何為人父親，醒覺現時不只他和太太兩個人，養育小孩責任大，覺得是時候改變自己。