薛家燕澳門登基
藝人薛家燕昨日到大埔超級城出席演唱會澳門站記者會，與數十Fans齊齊跳「十字步」，吸引大批市民圍觀。她開心表示去年舉行紅館騷後收到不少地方的邀請，首站定於6月底在澳門舉行，之後會去中山、東莞、佛山、星馬及美加演出。
邀Chilam助陣
問到澳門站嘉賓，她指很多人想她與張智霖（Chilam）及佘詩曼重現《十月初五的月光》的組合，又笑言之前與謝天華共舞被抱起成為熱話，所以會再次邀請他：「佢走唔甩喇！我應承咗佢減磅。（叫天華跟足巡唱？）我梗係想！但佢話睇我有冇肥到先。（搵男友頂上？）佢唔識跳舞。（淨係做抱嗰吓？）哈哈！唔好搞笑啦！（男友有冇呷醋？）又冇喎！淨係話我真係幾難抱。」她透露今次澳門站加入新環節，會表演「登基」：「我會着龍袍做王后，大場面要衫同珠寶都勁，今次有贊助商，閒閒哋都過千萬，要買重保險。」
