蔡毅明女強人湊B：好大考驗！

Grace於2017年與澳洲籍夫婿誕下兒子Max，產後極速復工，同時兼顧公司生意及照顧孩子。習慣做女強人的她，瞬間多了一個身份，她坦言產前沒有甚麼事情能把她難倒，但兒子出生後真實感受到當母親是一生的課題：「呢一年嘅變化對我嚟講真係好大，以前覺得唔係好多嘢可以難倒自己，做咗媽咪之後個考驗係好大，我覺得好似變番一張白紙，由頭學起點樣變成一個家長、一個媽咪，同埋點樣湊小朋友。」

辛苦過返工

隨着身份的轉變，面對的挑戰愈加複雜，Grace直言照顧小朋友比上班更辛苦，但只要看到兒子笑，一切都值得，她說：「做咗媽咪之後，訓練我唔需要瞓，雖然好辛苦，不過你放工返嚟見到佢一個微笑、一個動作、一個眼神都令到你好開心，呢樣嘢我覺得好Amazing！」

Max一日一日長大，她已感嘆不捨得兒子長大得太快，坦言當媽媽以後，才體會到母愛的偉大：「以前經常聽到人講，你未必真係領悟到，原來做咗阿媽之後先體會到，有咁多嘢需要去做，我覺得媽咪呢個角色真係好犀利！」無論現在她有多忙，都會設法抽空為兒子準備愛心早餐：「每日有一個好好嘅開始先去返工，感覺會好開心。」

育兒貼士

1.嚴選早餐：市面買到的穀物早餐大部分來自外國，可能受農藥影響基因，所以我會揀有機的穀物早餐。

2.雙語發展：因為我BB是混血兒，我着重講廣東話，不會夾雜又中又英，而爹哋則只講英文，BB雙語發展，有機會說話發展較慢，是正常，毋須擔心。

3.毋須急學行：發覺太早讓BB行，骨骼軟容易導致出現O字腳，聽從醫生建議多帶BB曬太陽，藉以吸收更多維他命D，對骨骼成長更好。