Kendy書法功課爸爸做「槍手」
組合Robynn & Kendy成員Kendy，除擅長創作發人深省的音樂作品外，原來私下是隱世書法高手，就連身邊同事都尊稱她為「孫大師」，名不虛傳！她不時都有於IG分享親筆大作，就連新碟《curations》內歌曲《明陣》的毛筆字都是由她操刀，深藏不露！
雖然Kendy小時候上堂學過書法，但長大後才真正懂得欣賞這文化背後的意義及精髓，加上受爸爸影響，故重新開始習字，新年期間會親自寫揮春。她又自爆曾搵爸爸代筆「出貓」：「細個唔係咁鍾意做毛筆功課，就叫爸爸做，依家久唔久同爸爸講起先知佢細個因為屋企好窮，幾歲大就同嫲嫲擺地攤賣嘢，而隔籬檔嘅叔叔幫人收幾蚊題字，日日睇就學咗啲技巧。」她續指現時都有「交功課」給爸爸：「見佢睇完由原本嘅眉頭深鎖，跟住笑笑口讚寫得幾好，呢個微笑勝過一切！」
