苟芸慧大方恭賀熊黛林萌晒孖女

苟芸慧戥城城再做老竇開心，自己則計劃生老虎仔。

郭富城於前晚與方媛結婚兩周年紀念日，宣布二千金「二寶」出世，藉以冧妻，方媛昨日在網上甜蜜晒出兩束漂亮鮮花和蛋糕，蛋糕上寫着：「結婚2週年快樂」，認真幸福。城城榮升第二任老竇，不少好友及歌迷紛紛送上祝賀，曾與他傳緋聞的藝人苟芸慧昨日出席「台灣民宿美食節@荷里活廣場開幕禮」時，亦大方恭喜城城：「恭喜佢，希望小朋友可以健康同可愛。（傳恭喜短訊畀佢？）又冇，呢度講一樣啦！」

同王君馨鬥遲生

一直恨為老公陸漢洋生B的她，笑言尚未有好消息公布：「我哋唔急，計劃係兩、三年後嘅事，依家享受二人世界，做多啲慈善工作，有小朋友好多嘢會做唔到。（同姊妹王君馨鬥遲生B？）緣分囉！睇吓邊個小朋友嚟先。（想君馨生先？）我唔知佢幾時，但我老公就鍾意老虎仔，傳統啲，睇埋生肖。」又稱將來若做媽咪，工作看情況而定，但本身很喜歡工作。

1歲可愛寫真

另邊廂，去年為老公郭可頌誕下雙胞胎女兒Kaylor和Lyvia的名模熊黛林（Lynn），事有湊巧，她選擇在方媛晒完結婚周年慶祝相後，昨日在社交網甫出孖女1歲寫真，經過她悉心裝扮下，孖女分別穿着三款同款同色裙子，包括白裙仔、黃底花裙和藍色紗裙，又戴上頭帶及頭箍，十足迷你版Lynn，難得的是孖女亦遺傳媽媽對鏡頭的敏感度，望着鏡頭擺甫士微笑，十分可愛！

熊黛林	郭富城與方媛慶祝結婚周年，一家四口夠幸福。