舉家歎法國菜鄭中基老婆收花笑晒

藝人鄭中基（Ronald）早前忙拍攝新片，日前難得不用開工，便一家四口外出飯局家庭樂。當晚約7時，他與太太余思敏及子女由司機接載前往跑馬地歎法國菜，一家逗留個多小時才埋單，夫婦更分工照顧一對子女。余思敏手持兩朵玫瑰花、拖實女兒步出餐廳，笑到四萬咁口，尾隨的鄭中基則做「湊仔公」拖住兒子離開，見到記者拍照時他亦笑笑口說：「唔係慶祝啲乜嘢，一家人食飯咋！」身旁的囝囝更甚為精靈，眼仔睩睩望鏡頭任影唔嬲。