非黑即白嫌悶陳琪戴金鏈利自身

藝人陳琪去年有幸與風水大師合作電影，及後被點名一起主持玄學節目，此後對這方面產生興趣。她會依照師傅指點於屋企擺風水陣，例如提到小朋友睡房文昌位要擺放一些物件助學業，她都會照辦，更指效果相當不錯。由於她命格欠金，故穿白色及黑色衫較有利自身，但她卻嫌悶，結果想出一個辦法：「欠金最好嘅方法梗係擺啲金喺身上，雖然覺得戴金鏈好老土，但有一日咁蹺畀我見到以前結婚時，長輩買畀我嘅手鏈又幾啱feel，當首飾之餘又幫到自己，所以揀咗嚟戴，So Far到依家都幾好，各方面都好順利。」