樂易玲爆心穎成日喊復工無期

無綫高層樂易玲昨晚到紅館欣賞吳業坤演唱會，期間被問到旗下女藝人黃心穎於偷食事件中形象盡毁，致所有工作及劇集都要抽起？樂易玲說：「坦白講，係嘅！Job、商演、出埠嘅工作，都換咗其他藝人取代。（賠償？）啲客好好，冇要求賠償。（劇集要入雪櫃？）希望時間快啲過啦！（解約？）暫未諗呢個問題，因為仲有好長約，停一陣先，呢個都係佢意願，因為佢都做唔到嘢！（安排佢出嚟交代？）等佢Ready後就可以！（心情未平復？）一時時啦，尋日有聯絡佢，知佢情緒唔係好穩定，成日喊。（怕做傻事？）佢喺香港有佢家姐睇住！」至於另一位受害人馬國明仍繼續開工，樂易玲大讚他專業：「係絕世好男人，好Man、好靚仔！」