弄「孫」為樂秋官呻一屋女人話晒事

藝人鄭少秋（秋官）、江若琳（Elanne）、麥子樂及游學修等日前為ViuTV劇集《詭探前傳》開工，拍攝一場生日會戲份。抱住劇中孫女的秋官勁開心，期間還一起玩拋波。為了讓小演員投入角色，他與Elanne輪流搞笑，秋官更大唱兒歌扮猴子氹小妹妹：「同小演員玩拋波好吃力，不停拋波同執波！（有冇勾起以前湊女回憶？）以前工作太忙，好少時間湊女，但都有帶佢哋去主題樂園玩。」又指女兒是前世情人，故對劇中女兒沈殷怡同樣溫柔，更過新人兩招：「教佢對老竇好似打情罵俏一樣，因為係前世情人！劇入面佢仲惡過我，成日駁嘴。現實對住個女就『冇晒符』，因為屋企全部都係女人，所以女人話事。」