志偉生日P任飲願望持久唔抬走
「獎門人」曾志偉前晚66歲生日，相約同日生日的監製錢國偉、衛詩（Jill）與樂隊KillerSoap成員Rocky一齊開生日會，圈中好友譚詠麟、鍾鎮濤夫婦、佘詩曼、鄭伊健與陳小春等到賀，現場不少新進歌手獻唱助興。
壽星佬志偉以壽司師傅Look到場，問到是否Dress Code？他笑說：「Dress Code就係一定要着底衫褲。（以為你整壽司？）唔使，我齋嚟聽歌。（飲咗幾多？）今晚人頭費計，啲酒可以任飲，依家時間尚早，我想戰鬥力長啲，唔想咁快畀人抬出去，聽多啲歌先！成班後生歌手唱歌我聽得好開心，我同阿倫佢哋講以前係佢哋唱歌，依家可以坐喺度Enjoy聽歌。（你唱埋一份？）都唔使輪到我啦！」最後，志偉湊熱鬧上台唱《你把我灌醉》。至於Jill稱家姐衛蘭身在上海宣傳，未能一齊慶生，祝對方早日覓到另一半。
