求婚似騙局！ Jessica@SG爆男友好變態
剛答應台灣男友求婚的組合Super Girls成員Jessica昨日首度露面，偕隊友Yanny出席點心店活動，怕被誤會「晒命」的Jessica未有戴上求婚戒，透露10月底在台灣擺約20多圍喜酒，但怕辛苦而不打算在港再擺酒。她又表示曾擔心人妻身份會影響團隊，但經理人指工作如常，除非有身孕。
準新娘Jessica又分享男友在泰國求婚的趣事，笑言感覺似被騙入局：「男友同經理人夾埋呃我，話去泰國做嘢但要去兩間酒店，喺第一間酒店放低我，叫我拖住個篋去另一間，原來係男友覺得搞到我咁辛苦，求婚時會易啲答應佢，要我由地獄上返天堂，好變態！」問到是否喜歡男友的變態情趣？她笑說：「OK啦！佢好細心。」Yanny羨慕對方有個很愛她的男友，又表露出一顆恨嫁的心，但想仿傚舒淇，婚後才報喜。
