松岡露羽C誘挑起張建聲幻想
藝人松岡李那與何珮瑜齊齊為新片「豁出去」！松岡穿上羽毛內衣拍戲，盡展誘人身材；Jeana則為演「黃面婆」而日隊六盒白飯，食到反胃。
張建聲進軍幕後，最近邀得松岡李那與何珮瑜（Jeana）為其監製的新片助陣，兩人更要為藝術犧牲！擁33C上圍的松岡在戲中有一場性感演出，該場戲講述張建聲幻想松岡穿上性感羽毛內衣，在他面前行Catwalk，畫面香艷，但其實有苦自己知！
行Catwalk表現自信
拍攝當日氣溫只得10多度，松岡卻要捱凍僅穿內衣，還要拍足六粒鐘，齋諗都起晒雞皮！張建聲說：「呢場戲佢拍得好出色，大家都嘆為觀止，想拍多啲！因為佢係模特兒出身，投入角色行得好有自信，完全駕馭到嗰件好難着嘅羽毛內衣，加上當日好鬼凍，仲要拍咁耐，少啲能耐都好難完成！」
Jeana為增15磅 食到反胃
至於飾演張建聲老婆的Jeana亦作出挑戰，為演活「肥師奶」而增肥15磅，日吞六盒白飯，食到腸胃不適，夜晚更飽到難以入睡！不過，她笑言只要效果理想就「乜都肯制」，將靚女包袱完全放低！
今次主演的電影《作家的謊言：筆忠誘罪》早前已舉行四場試映場，口碑相當不俗，不少觀眾讚松岡與Jeana都做得非常好，而張建聲身兼監製及演員亦恰到好處。
