楊千嬅開騷怕觸電

歌手楊千嬅日前在珠海舉行《MY BEAUTIFUL LIVE世界巡迴演唱會》，吸引約25,000觀眾捧場，好姊妹谷祖琳、林兆霞及陳逸寧亦專程支持。由於在戶外體育場開騷，而當日滂沱大雨兼有雷暴警告，她一度擔心不已，幸而開騷前10分鐘天公作美：「最擔心係冒雨唱歌有觸電危險，因為之前試過畀咪電到手，又驚觀眾要淋濕身睇騷！」坦言停雨後開心得大聲叫。當晚她穿上一條價值約9萬的靚裙獻唱《小星星》，期間全場觀眾亮起手機燈打造星海，令她感動流淚，笑說：「咁樣好難搞喎！有冇人可以畀張紙巾我呀！」尾聲又因不捨而落淚。