克勤教古巨基追B要「舉」「動」

前晚《古巨基WE世界巡迴演唱會PART2》第二場請來李克勤擔任嘉賓，已是兩子之父的克勤相當關心古巨基為何仍未生BB，又指曾見基仔對古太「摸手摸腳」，並傳授生育心得：「你唔好淨係摸，要有舉同埋動先得呀！我都係譚詠麟教我，你想生仔定生女？生仔呢，話要倒掛金鈎！生女就要腳指尾拉西！」基仔笑問：「倒掛金鈎，你掛定老婆掛？拉西淨係得腳指尾好赤喎！用邊個腳指尾先？哈哈哈……」克勤答：「呢啲只可以意會啦！講出嚟冇意思。」克勤待基仔返後台換衫時，笑言做嘉賓的責任除了搞氣氛，就是提供歌迷去廁所的時間：「唔想大家有記掛，揀咗大家唔係好識、但兩年前都好流行嘅歌《失魂記》。」