被揭支持「張洪戀」陳慧珊：條路佢自己揀

藝人陳慧珊昨日戴黑超現身活動，她受訪時先致歉，並解釋雙眼突然敏感：「變咗兩個波咁，依家睇嘢都係一條線。」講到好友洪欣近日傳婚變，問可有聯絡對方？她表示最近較少：「聽到呢個消息，但我冇直接問佢，所以唔好講呢件事。（蔡少芬當初反對佢哋一齊，而你係支持？）唔記得咗啦！自己揀自己條路，我唔可以幫佢判斷佢嘅人生，佢開心嘅話我就支持。」