舊愛Aka唱反調：細公司Warm啲

吳業坤舊愛、組合Super Girls隊長Aka（趙慧珊）昨日受訪時，指收到坤坤邀看紅館騷的邀請，談及有傳坤坤欲跳槽，她說：「我冇聽聞，不過佢好叻，去邊度都得。（認同簽國際性唱片公司會有更好發展？）簽大公司有優點，我依家呢間公司就小型啲，但感覺好Warm，各有各好。（覺得坤坤唱少咗K歌？）我就鍾意唱易入腦嘅K歌，不過我覺得佢依家唱緊嘅都係K歌。」
Aka自覺細唱片公司更富人情味，似足一家人。
Aka自覺細唱片公司更富人情味，似足一家人。

此外，Aka在活動上，談及隊友Jessica答應男友求婚時表示：「佢宣布時我唔信，仲以為佢係搞笑，點知發現係真，我就有啲眼濕濕，好唔捨得。」又指成員之間已說好不會互做姊妹，因想在台下享受整個婚禮，並預計自己會是最後一個出嫁的成員。

Jessica將於台灣行禮，Aka表明不會做姊妹。
  • Jessica將於台灣行禮，Aka表明不會做姊妹。