張景淳浮沉16年靠積蓄慢慢搣
藝人張景淳憑處境劇《愛·回家之開心速遞》「龔燁」一角人氣急升，他接受東網節目《娛場》訪問，細數入行16年經歷的多番起跌。他憶述2003年時以組合Cheers出道，卻因公司停止營運被迫轉戰電視圈，浮沉多年終在2011年憑《天與地》「家明」一角彈起，可惜後勁不繼陷入低迷期，他坦言：「到今日都仲有好多人叫我『家明』，至少係畀咗一個肯定我。不過之後我拍其他劇，大家都只會記得我係『家明』，嗰段時期可以話係最低迷，我甚至只係靠節目《文化新領域》嚟維持生計。」
以拍檔呂慧儀為目標
他又趁機澄清並非「富二代」，為自己平反：「我由入行到依家都係一直靠自己，我出道咗16年，其實我係有啲積蓄，可以應付到油錢同車位。」
講到「龔燁」入屋，他謙稱會繼續努力，以同劇拍檔呂慧儀為目標：「依家大家好鍾意『龔燁』呢個角色，但我覺得作為張景淳，仲未成為大家心入面家傳戶曉嘅人物，好似呂慧儀咁，大家見到佢都係好開心，畀人嘅感覺係一個好真實嘅存在。」
https://bit.ly/2U5bl1O