林凱恩打周嘉洛減壓
藝人周嘉洛及林凱恩早前出席處境劇《愛．回家之開心速遞》宣傳活動，角色是廢青「金城安」的周嘉洛「廢力」驚人，已令周圍的人遭殃，連累林凱恩父親陳榮峻醜態百出，其全裸被直播的一集更引起極大回響！
周嘉洛直言多謝編審創意及觀眾支持，並笑言跟金城安有相似之處：「不過我就冇安仔咁廢青，我年輕時都仲有時間廢吓，依家忙開工，如果有一兩日放假，都會Hea喺屋企。（有冇好似金城安咁成日撞板？）作為新人，一定有啦！但好在有好多前輩提點。」至於林凱恩表示每次拍《愛》劇都有返屋企感覺，尤其跟周嘉洛合作最輕鬆，因為可以打他減壓。