閻奕格歌都唔唱戀愛至上

狄龍與閻奕格攜手合作的音樂劇《搭錯車》將於6月公演，大俠形象深入民心的狄龍，今次將演一名啞巴慈父，與閻奕格上演令人動容的父女情。閻奕格首度與狄龍合作，笑指當日拍攝宣傳海報才初次見面，但已感受到一股慈父的氣場，非常溫暖及自然，令其感覺與自己父親拍照般。

反應慢冇仔埋身

由於二人均曾在台灣生活及工作，狄龍透露雙方以食物來打開話題，沒多久便熟落起來。問到為何接演這個角色？狄龍說：「因為閻奕格係出色音樂家，導演話呢個戲係父女之間無條件嘅愛，好有意思。（填補番有個女？）係吖！同靚人一齊做嘢自己都開心，佢真係冇嬌氣冇俗氣，爸爸教得好。（平時點維繫父子情？）我冇咩要求，都係想佢好，見佢對小朋友好，又係住家男人，主要想佢注意身體健康，名利、掌聲都係過眼雲煙。」

狄龍有仔有孫三代同堂，閻奕格對這種美滿生活卻感到遙不可及，尤其至今還是單身。她自嘲對感情事反應緩慢，即使有人鍾情於她，也是由身邊朋友告知。問到是否工作太忙所致？她謂：「都係，平時留台灣多，另一半要體諒我大時大節一定要工作。其實呢個劇同自己經歷相似，我曾經為一個男仔放棄香港嘅唱片合約，因為佢唔想我做歌手，最終當然都係分手啦！」

二人首度合演舞台劇，狄龍演一名啞爸。	狄龍散發慈父氣場，讓閻奕格輕易投入父女情。	閻奕格雖與家人聚少離多，卻沒令親情生分。

父女性情相近

父親是香港中樂團首席指揮家閻惠昌，閻奕格透露父女性格相近，互相觀賞對方音樂表演後，往往直言批評，但雙方也不會難受，她說：「細個成日同爸爸傾音樂、車、相機同電腦，太多話題，佢係一個好肯放手嘅人，記得中學我鍾意一個男仔，佢仲車我去對方屋企送朱古力，依家因為大家都忙，多數靠短訊聯絡，屋企人都係一年見一次，上一次見係上年底喺香港開音樂會，後台見到已經好開心。」

場地：8度海逸酒店

狄龍化妝：Josephine @ J LAB

閻奕格服裝：MAX & Co.