古巨基加闊台邊穩陣開騷

古巨基一連四場《古巨基我們世界巡迴演唱會－香港站Part2》昨晚開鑼，大批好友周慧敏、蔡一智、方力申、泳兒等捧場。甫開騷，基仔化身銀色閃爆戰士坐於時光機高唱《爆了》登場，其後唱完《夢中人》，幾個舞蹈員圍住幫他除衫，去年他換衫後失足跌落台，他說：「呢個時候最需要注意安全……」又用手指指住地下說：「上次就係呢度發生意外，今晚呢個台邊闊咗少少，打觔斗都得，雖然整闊咗，少咗兩行觀眾席，但更加安全，開騷前好多朋友都叫我小心啲呀，知道大家有陰影，只要大家提一提我，將呢個意外擔憂釋放出嚟，大嗌：『睇路呀靚仔！』」全場大嗌，他笑笑口說：「好低B！」