粉絲策劃手機騙局 軒仔中計變懵炳
歌手張敬軒墮入粉絲精心策劃的「騙局」，昨日在社交網圖文並茂申訴受騙經過，直言「要上警訊」！
張敬軒在社交網詳細交代「案情」，事緣他在家清理早前在簽名會收到粉絲所送的禮物，赫然發現一部原包裝的iPhone，他留言：「心入邊內疚咗好耐，我啲歌迷成日都咁破費，搵個錢唔容易，真係有我心，粒眼淚真係爭啲就跌出嚟。」更搞笑地表示用劇集《真情》內李司棋角色「阿家」的腔調說：「既然人哋一番好意就唔好拒絕啦，啲電器擺得耐都會壞o架！」不過，打開盒後，原來內裏不是電話而是朱古力，他直言頓時呆了：「下邊仲要加埋鐵板扮重，仲要好啱Size。」
揚言下次出碟報仇
他留言中表示要改用周星馳腔調說：「呀好嘢好嘢，我話你知我班Fans真係食腦o架，正所謂有仇不報非君子，你哋班嘢等住下次買碟收隻光酥餅啦你哋，阿叔你哋都呃真係好冇陰功，佢仲有畀埋收據(0架)。」軒仔遇「騙案」心靈受創，好友歌手何韻詩竟留言贈興：「冇咗封膠你都收，正懵炳。」蔡卓妍再加一腳：「人哋花咁多心思嚟呃你，都呃得抵啦。」不過，最搞笑是李司棋留言，糾正說：「雖然好慘豬，但請留意李司棋喺《真情》是『善姨』腔，『阿家』由黎萱飾演。」
