李佳芯恨買千呎豪宅

藝人李佳芯（Ali）昨日到快餐店出席AlipayHK活動，問到有否覺得改啱名，能夠做代言人帶挈賺錢？她笑說：「呢個真係緣分！其實個名係我自己改嘅，本身想叫Alice，但又覺得普通，所以就改做Ali 。」問到是否理財達人？她坦言以前只是跟人買股票，現時知道買磚頭是最好：「不過依家一舊都冇！（今年想唔想買樓？）想啊！希望快啦。」問到目標想買多大的樓？她笑說：「要求唔係咁高，可能千幾呎啦！我唔貪心o架，但依家都仲未買到，真係陰公。」至於可會與男友陳炳銓夾份買樓？Ali即說：「拍拖都係財政獨立好啲，但到結婚就梗係想叫佢出糧直接入落我度。」