夠料做棟篤笑 張衞健包起紅館全年？
「第28屆香港舞台劇獎」頒獎禮前晚舉行，藝人關寶慧憑自資演出的舞台劇《她媽的葬禮》奪得「最佳女主角（喜劇/鬧劇）」，金馬獎「最佳男配角」袁富華則憑舞台劇《攬炒愛情狂》奪得「最佳男配角（喜劇/鬧劇）」。
張衞健（Dicky）擔任「最佳男主角」頒獎嘉賓，卻自嘲說：「我咪人辦囉！做咗成世戲都未攞過獎，但依然對戲劇充滿熱誠。」又承認有人接洽他開棟篤笑或演唱會：「未諗掂，唔知做唔做得嚟，但弊就弊在我有咁嘅才華，驚紅館冇咁多期畀我，12個月畀晒我都唔夠。（觀眾期望有壓力？）兩方面，質量同票房。（票房你都要擔心？）冇人睇就冇人睇，希望有勇氣去挑戰。」
關寶慧首奪劇后
至於關寶慧領獎時爆喊，皆因是演藝生涯裏首次提名兼首奪獎項，返後台拍照時仍喊不停，她說：「我依家對腳仲震緊，感覺好似以前喺街遇到警察開槍捉賊，自己伏喺地下一樣咁震。」透露會擇吉日慶祝。袁富華則指可能是搬入風水屋帶挈不停攞獎。