黃美棋性感賣奶男友呷醋

「美棋BB」黃美棋昨日穿Tube Top撐有份投資的餐廳開幕，上圍呼之欲出！男友鍾健威在場執頭執尾，合拍如兩公婆。提到首次開餐廳投資六位數，她透露冇預男友份，與六位美國讀書的朋友合資。鍾健威則表示專責改餸名，彈女友改名經常出事！美棋指有人提議用「BB雞粥」，反而她不想用自己「寶號」做菜名，但對「波濤胸湧鮮奶茶」就感滿意，還搞笑說：「係咪要着比堅尼賣鮮奶？」鍾健威即帶醋意說：「啱啱先知佢咁着……靚…滿意…佢今日算性感，尺度OK，但以個樣招徠就更好。」美棋即扯開話題打圓場。