柏豪養多3個老婆開支大慳扮靚

周柏豪養多三個「老婆」，但心郁郁再為家人「娶妻」！

鍾楚紅、蔡卓妍、周柏豪、陳凱琳、陳智燊與宋熙年等，昨晚出席由仁孚及梅賽德斯－奔馳舉行的全新平治港島品牌中心開幕盛典，眾人分別坐上平治旗艦車系登場，期間聯同仁孚集團行政總裁Mr. Benjamin Birks、梅賽德斯－奔馳香港有限公司行政總裁Mr. Frederik Gollob及仁孚香港及澳門區常務董事李龍基先生（Mr. Aaron Lee）主持亮燈儀式，並由怡和控股有限公司副行政總裁及仁孚集團主席彭耀佳（Mr. Y.K. Pang）先生致歡迎詞。

齊齊設計限量版熊公仔

阿Sa與紅姑特別為活動設計限量版平治小熊毛公仔，席間與「親生仔」合照。剛推出自家謢膚品牌的阿Sa，不諱言前晚緊張得失眠：「件事籌備咗好耐，投資最少六位數字！其實除咗面膜，其他產品都會陸續推出。（畀男友石恆聰試？）都有！其實呢個面膜都多男士買。（男友有冇夾份？）唔好一齊做生意好。」擁有車牌的她被問到可有在港揸車？她說：「我人生第一架車就係Benz，當時未考到牌已經買咗，對自己好有信心，一次合格！」

李龍基先生（左起）、蔡卓妍、Mr. Benjamin Birks、彭耀佳先生、Mr. Frederik Gollob、鍾楚紅與周柏豪主持亮燈儀式。	蔡卓妍	鍾楚紅與蔡卓妍齊齊為品牌設計小熊公仔。

至於「三車之主」的柏豪透露擁有越野車、跑車及旅行車：「有能力就去買，但我最多只能夠有四架車，依家淨番一個位應該會揀七人車，可以車屋企人。（三架車開支大？）係啊！每次買完車都只能用車價10%整靚架車，睇住個10%去執。」

另外，上月即興赴日本賞櫻的紅姑表示，本身很喜歡花，家中也有種花，自言可以與花溝通！她帶着親自設計的熊公仔上台，由於喜歡花，所以連公仔身上都有一朵花。問到可有興趣修讀花藝師課程？她說：「種得多就會有心得，有心得就會愈有興趣，我特別對植物同動物有耐性。（追你嘅男性要用鮮花攻勢？）咁我成日都收好多花嘅。」